Галимнәрнең бәяләве буенча, бу озак периодлы күк җисеме Җир тирәсенә якынча 160 мең елга бер генә тапкыр әйләнеп кайта, дип хәбәр итте КФУ астрономы, профессоры Юрий Нефедьев.

Комета узган елның сентябрендә ачылган. 25 апрельдә ул Кояшка якын киләчәк, шуның аркасында сизелерлек яктырак булачак. Хәзерге вакытта объект Балык йолдызлыгында горизонттан түбән урнашкан.

Кометага иртәнге сәгатьләрдә карау яхшырак. Моның өчен ачык мәйдан һәм, мөгаен, бинокль кирәк булачак. Астроном шулай ук оптик коралларны Кояшка юнәлтергә ярамый, дип кисәтә – бу күз күреме өчен куркыныч.

Кометалар фән өчен кызыклы, чөнки алар Кояш системасының беренчел матдәсен үз эченә ала. Аларны өйрәнү галимнәргә безнең планета системасының барлыкка килү һәм эволюция процессларын төгәлрәк аңларга ярдәм итә.