Синоптиктер Қазақстанда 2023 жылғы 7-9 желтоқсан күндеріне арналған күн райы болжамын ұсынды.

"Қазгидромет" РМК ұсынған мәлімет бойынша, солтүстік-батыс суық антициклонның ықпалынан республиканың басым бөлігінде жауын-шашын тоқтап, ауа температурасы күрт төмендейді.

Синоптиктердің болжамынша, Қазақстанның шығысы мен оңтүстік облыстарында ғана жауын-шашын (жаңбыр, қар) болады.

Түнде ауа температурасы:

• батыста 10-20 аязға дейін,
• солтүстік-батыста және солтүстікте 28-38 градус аязға дейін,
• елдің қиыр солтүстігінде 42 градус аязға дейін,
• республиканың орталығында және шығысында 28-33 аязға дейін,
• Қазақстанның оңтүстік облыстарында 5-13 градусқа дейін нөлден төмен болады.

Республика бойынша тұман түсіп, елдің оңтүстік жартысында жел күшейеді.

Сурет: pixabay