Кар баскан авыллар

Әйшә бистәсендә куркыныч төн: Яшьләр урамындагы 3нче йортта кар авырлыгына түзә алмыйча, ике подъездлы йортның түбәсе җимерелгән. Бәхеткә, 30 кеше (шул исәптән 5 бала) үзләре генә эвакуацияләнгән. Әмма мондый йортларда яшәүчеләрнең куркуы әле дә басылмаган.

Үрнәктәге хәл бөтенләй фаҗигагә әверелергә мөмкин иде. Монда кар астында кеше калган. Янгын сүндерүчеләр аны кар астыннан чыгарган, ашыгыч ярдәм хезмәткәрләренә тапшырган. Бу очрак – кар эрү чорында түбәләр астыннан йөрүнең никадәр куркыныч икәнен күрсәтә.