Төркиянең көньяк-көнбатышында пассажир автобусы катнашында коточкыч авария булган, дип яза РИА Новости.

Pamukkale Turizm компаниясе машинасы Измир — Анталья маршруты буенча барган, ул вакытта Денизли автомагистралендә — Айдын Сарайке районында юл киртәсенә килеп бәрелгән һәм яна башлаган.

Соңгы мәгълүматлар буенча, авария нәтиҗәсендә сигез кеше һәлак булган, алар арасында бала да бар. Зыян күрүчеләр һәм фаҗига сәбәпләре турында нечкәлекләр әлегә ачыклана.

Әнкарадагы Россия илчелеге хәзер корбаннар һәм яраланган арасында Россия гражданнары бармы-юкмы икәнен ачыклый.