«Бүген иртән безнең республика чираттагы варвар һөҗүменә дучар булды. Дошман пилотсыз очкычлары гражданнар объектларына һөҗүм ясады, һәм без, кызганычка каршы, кешеләрне югалттык. Һәлак булучыларның гаиләләренең кайгысын уртаклашам», – дип язды ул «Макс» платформасында.

Рөстәм Миңнеханов барлык зыян күрүчеләргә кирәкле һәм югары квалификацияле медицина ярдәме күрсәтеләчәген белдерде. Республика башлыгы шулай ук яраланганнарга тизрәк савыгуларын теләде.