Елордалық тұрғын жоқ жер телімдерін сатқан, деп хабарлады Caravan.kz медиа-порталы.

Polisia.kz сайтының мәліметінше,Алматы аудандық полиция басқармасының жедел уәкілдері Астана маңында жоқ жер телімдерін сатып жүрген 39 жастағы ер адамды анықтады.

lПолицияға қала тұрғыны хабарласып, алаяққа 2,5 миллион теңгеге алданып қалғанын жеткізген. Анықталғандай жәбірленуші қала іргесіндегі ауылдан үй салу үшін жер телімін алуға шешім қабылдағанын айтқан. Осы оңтайлы сәтті өз пайдасына асырмақ болған оның танысы мемлекеттік мекемемен байланысын алға тартып, жерді рәсімдеуге көмектесетініне сендірген", — делінген хабарламада.

Тағы бір жағдайда дәл осындай жолмен алаяқ Астана тұрғынын алдап, 3 миллион теңгесін жымқырғаны да белгілі болған.

"Тергеу барысында полицейлер қала тұрғындарын алдап, арзан бағаға алу үшін жәбірленушілерге өтірік сатылымдағы төмен баға қойылған жер телімдерін көрсеткенін анықтаған", — делінген хабарламада.

Алаяқтық жасаған күдікті қылмысын мойындады. Оған қатысты ҚР Қылмыстық кодексінің 190-бабының 3-бөлігі (Аса ірі көлемдегі алаяқтық) бойынша тергеу амалдары жүргізіліп жатыр.

Полицейлер атап өткендей, бұл баптың санкциясы бойынша мүлкі тәркіленіп, үш жылдан жеті жылға дейінгі мерзімге бас бостандығын шектеу немесе сол мерзімге бас бостандығынан айыру жазасы қарастырылады .